Nou Pale Lang Ou
Nan Sant Medikal Maimonides, li enpòtan pou nou bay bonjan swen dapre kilti malad ki pa pale angle byen yo. Youn nan priyorite nou yo se rann li fasil pou malad ki pa pale angle ak fanmi yo jwenn pi bon swen sante. Pou reyalize objektif sa a ak pou sèvi kominote nou an ki genyen plizyè diferan kilti ladan li, Sant Medikal la ap rekrite doktè, enfimyè ak anplwaye ki pale plizyè lang, sitou pou domèn swen pasyan yo. Nou kapab wè egzanp gwo efò sa a nan depatman ijans la. Paske vin genyen plis pasyan Chinwa, Ris, Panyòl, ak Arab nan depatman ijans la, kounye a nou genyen reprezantan malad ki pale plizyè lang vennkat sou vennkat, chak jou nan semèn nan ki la pou ede malad yo ak fanmi yo ki pale lang tankou: Arab, Chinwa, Tchèk, Alman, Grèk, Ebre, Endi, Italyen, Polonè, Ris, Panyòl, Ikrenyen, ak Yidich. Yo te kreye feyè ki bay enfòmasyon ak fòm enpòtan lopital la tou nan plizyè nan menm lang sa yo pou ede malad yo.
Genyen plis pase 60 lang anplwaye yo nan Sant Medikal la pale, epi yo itilize talan yo kote yo ofri sèvis entèprèt. Epi tou nou bay kat pou montre kote sèvis pasyan yo ye ak siy atravè Sant Medikal la pou asiste malad nou yo. Genyen enfòmasyon enpòtan ki enprime, tankou Deklarasyon Dwa Malad, enstriksyon sou Egzamen Avan Admisyon, Testaman, ak lòt enfòmasyon ki disponib nan plizyè lang tou. An plis, ou kapab itilize Liy Telefòn Antrepriz Pou Aprann Lang la pou jwenn sèvis entèprèt pa telefòn lè sa nesesè.
Enfòmasyon sou sèvis entèprèt
Enfòmasyon sou vi prive:
Enfòmasyon HIPAA sou vi prive
HIPAA pou enfòmasyon sou sante mantal
HIPAA pou enfòmasyon ki konsène VIH-SIDA
Enfòmasyon Finansyè:
Enfòmasyon sou kesyon finansyè moun poze souvan
Aplikasyon pou asistans finansyè